原來天文館街真係有天文館㗎！不過就已經係過百年前嘅事～早於安永八年，即係1779年，當時管治薩摩藩的島津家第25代 －島津重豪，為咗觀測同研究天文，就興建咗名為明時館嘅天文研究所，而佢嘅別名就係大家熟悉嘅「天文館」喇！當時嘅天文館同而家可以話係完全相反，係一個人煙罕至、薩摩城下最暗嘅地方，所以十分適合研究天文。但係點解島津重豪會開始研究天文？其實掌管鹿兒島的島津家因為薩英戰爭同西方國家結緣，自此十分重視同西方嘅交流。所以鹿兒島喺江戶時代係最早近代化嘅地方之一，亦孕育咗西郷隆盛等等為明治維新作出好大貢献嘅偉人！唔止係江戶時代，直至到而家，鹿兒島仍然係日本中一個對天文學十分重要嘅地方。但係好可惜，天文館呢座建築喺明治時代被廢棄，當中嘅原因亦都不得而知。而家喺天文館街就只有一座小小的石碑紀念住呢個曾經為江户、為日本嘅天文貢献過好多嘅「天文館」。如果大家想認識多啲閼於天文館嘅資料或歷史，可以去鹿兒島市立美術館或維新故鄉館等等博物館尋找天文館嘅踪影～！
AloJapan.com